മീന്‍ 1 കിലോ
വെളുത്തുള്ളി 75 ഗ്രാം
ഇഞ്ചി 2 വലിയ കഷണം
ചുവന്നുള്ളി 100 ഗ്രാം
കുടം പുളി 4 കഷണം
കടുക്, ഉലുവ അല്‍പം
മുളകു പൊടി 4 ടേബിള്‍ സ്പൂണ്‍
കറിവേപ്പില
വെളിച്ചെണ്ണ 4 സ്പൂണ്‍
തയ്യാറാക്കുന്ന വിധം
മീന്‍ വെട്ടി കഴുകി ചെറിയ കഷണങ്ങള്‍ ആക്കി വെക്കുക
ചുവന്നുള്ളി, വെളുത്തുള്ളി,1 കഷണം ഇഞ്ചി എന്നിവ ചതച്ചു മാറ്റി വെക്കുക
കുടം പുളി അല്‍പം ഉപ്പു ചേര്‍ത്തു വെള്ളത്തില്‍ ഇട്ടു വെക്കുക
ചൂടായ മീന്‍ ചട്ടിയില്‍ 2 സ്പൂണ്‍ വെളിച്ചെണ്ണ ഒഴിച്ചു കടുക്, ഉലുവ ഇവ ഇട്ടു
പൊട്ടിക്കുക. ഇതിലേക്കു ചതച്ചു വെച്ച കൂട്ടും, കറിവേപ്പിലയും ചേര്‍ത്തു
നന്നായി വറുക്കുക.
വറുത്തെടുത്ത കൂട്ട് തണുക്കുമ്പോള്‍ നല്ല വെണ്ണ പോലെ അരച്ചെടുക്കുക.
ചട്ടിയില്‍ 1 സ്പൂണ്‍ വെളിച്ചെണ്ണ ഒഴിച്ചു മുളകു പൊടി നന്നായി മൂപ്പിക്കുക,
പിന്നീട് ചെറുതായരിഞ്ഞ ഇഞ്ചി, അരപ്പ് എന്നിവ കൂടി ചേര്‍ത്ത് മൂപ്പിക്കുക.
ഇതിലേക്ക്! 1 കുപ്പ് വെള്ളം ഒഴിക്കുക. അരപ്പു തിളക്കുമ്പോള്‍ മീന്‍
കഷണങ്ങള്‍ ഇട്ടു പുളിയും ചേര്‍ത്ത് ചെറു തീയില്‍ നന്നായി വറ്റിച്ചെടുക്കുക.
വാങ്ങുമ്പോള്‍ 1 സ്പൂണ്‍ പച്ച വെളിച്ചെണ്ണ, കറി വേപ്പില ഇവ ചേര്‍ത്തു ചട്ടി
ചുറ്റിച്ചു വാങ്ങുക.
നല്ല എരിവും പുളിയുമള്ള ഈ കോട്ടയം മീന്‍കറി തലേദിവസം ഉണ്ടാക്കി
ചട്ടിയില്‍തന്നെ വെച്ചിട്ട് പിറ്റേദിവസം ഉപയോഗിച്ചാല്‍ സ്വാദേറും.
ആവോലി, വറ്റ തുടങ്ങിയ മീനുകള്‍ ഇപ്രകാരം വച്ചാല്‍ നന്നായിരിക്കും.
നിങ്ങള്‍ക്ക് ഇതും ഇഷ്ടമായേക്കാം ....
മത്തി പീര
No comments:
Post a Comment
Please comment..